Ana Bata-Kashi A Tsakanin Sojonin HKI Da Palasdinawa “ Yan Gwagarmaya A Jenin

2022-05-13 14:52:59
  Ana Bata-Kashi A Tsakanin Sojonin  HKI Da Palasdinawa “ Yan Gwagarmaya A Jenin

Rahotannin da suke fitowa daka garin Jenin sun ambaci cewa sojojin HKI sun kai hari a kan wani gida dake cikin sansanin ‘yan gudun hijira na Jenin, da zummar kama wasu ‘yan gwgawarmaya.

Shaidun ganin ido sun ce tun da safiyar yau ne sojojin mamayar na HKI suka killace gidan, inda su ka fara jefa wasu abubuwa masu fashewa da kuma bude wuta.

Palasdinawa 4 ne aka tabbatar da cewa sun jikkata sanadiyyar harin na ‘yan sahayoniya, tare da lalata wani sashe na gidan da Mahmud dub’i yake ciki.

Wasu kafafen watsa labarun ‘yan sahayoniya sun ce daya daga cikin sojojinsu na mamaya ya jikkata.

A gefe daya, a yau Juma’an ne ake yin jana’izar ‘yar rahoton tashar talabijin din aljazira ta Kasar Katar, Shirin Abu Akilah, wacce sojojin mamaya su ka kashe ta a lokacin da take aikewa da rahoto daga Jenin.

Kasashe da kungiyoyi da dama sun yi tir da aikin ta’addancin na ‘yan sahayoniya,tare da yin kira da a hukunta masu hannu a ciki.

Tags:
Comments(0)
Success!
Error! Error occured!